वादळासारखा माणूस... पण मनाने अत्यंत हळवा!

वादळासारखा माणूस... पण मनाने अत्यंत हळवा!

❤️

आज ५ ऑगस्ट... शांताराम (बापू) काळे यांच्या ५९ व्या वाढदिवसानिमित्त! 🎉

अकोले तालुक्यातील आदिवासी भागात गेली ४० वर्षे पत्रकारितेच्या माध्यमातून आणि ३३ वर्षे श्री स्वामी समर्थ शिक्षण संस्थेच्या माध्यमातून उपेक्षित, गरीब आणि आदिवासी विद्यार्थ्यांच्या आयुष्यात ज्ञानाचा दिवा पेटवत राहिलेल्या व्यक्तिमत्त्वाला वाढदिवसाच्या मनःपूर्वक शुभेच्छा!

सातवीत असतानाच घरच्या परिस्थितीमुळे मजुरी, किराणा विक्री, फोटो स्टुडिओ, सायकलवर वर्तमानपत्रे वाटप अशी अनेक कामे करत शिक्षण पूर्ण केले. संघर्ष त्यांच्या आयुष्याचा अविभाज्य भाग होता; पण त्यांनी कधीही परिस्थितीपुढे हार मानली नाही.

पत्रकार म्हणून त्यांनी शेतकरी, ऊसतोड कामगार, बीडी कामगार, शेतमजूर, शिक्षक, महिला, युवक, बेरोजगार आणि आदिवासी समाजाचे प्रश्न निर्भीडपणे मांडले. चांगल्या कामाचे कौतुक केले, तर चुकीच्या कामावर तितक्याच ठामपणे बोट ठेवले. अनेक संकटे, दबाव आणि खोटे आरोप सहन करूनही त्यांची लेखणी कधी थांबली नाही.

१९९२ मध्ये मुलींसाठी विद्यालय सुरू करून त्यांनी ग्रामीण भागातील मुलींच्या शिक्षणाला नवी दिशा दिली. आज त्यांच्या संस्थेतून हजारो विद्यार्थी घडले आहेत. अनेक जण अधिकारी झाले, तर अनेकांनी विविध क्षेत्रांत यश संपादन केले आहे.

बिट्टीसारख्या गतिमंद आदिवासी महिलेच्या कुटुंबाला न्याय मिळवून देणे, वनिता भांगरेच्या शिक्षणासाठी महाराष्ट्रभर मदतीचा हात मिळवून देणे, वृद्ध महिलांना पेन्शन मिळवून देणे, सोनालीसारख्या शिक्षणापासून दूर गेलेल्या मुलीला पुन्हा शिक्षणाच्या प्रवाहात आणणे... अशी असंख्य माणुसकीची उदाहरणे त्यांच्या कार्याची साक्ष देतात.

या सर्व प्रवासात त्यांच्या पाठीशी खंबीरपणे उभ्या राहिल्या त्या सौ. मंजुषाताई काळे. शिक्षण, समाजसेवा आणि आदिवासी मुलींसाठी समर्पित कार्य करणाऱ्या या दाम्पत्याने समाजासाठी आयुष्य अर्पण केले आहे.

बापू म्हणजे एक वादळ... संघर्षाचे, सेवाभावाचे, जिद्दीचे आणि माणुसकीचे वादळ!

ईश्वरचरणी प्रार्थना की, त्यांना निरोगी, दीर्घायुषी, सुखी आणि समाजसेवेने परिपूर्ण आयुष्य लाभो.

🎂 वाढदिवसाच्या मनःपूर्वक हार्दिक शुभेच्छा, बापू! 💐

— अनिल काळे