अकोले तालुका
आदिवासी मित्रमंडळ व अकोले तालुका पश्चिम विभाग वारकरी संस्था अकोले , या
संस्थानी सामुदायिक विवाह सोहळ्यात घेतलेल्या उडीला जोरदार प्रतिसाद मिळत
असुन त्यांची पहिली सुरूवात चिंचोडी येथील सोमा रामा मधे या युवकाच्या
मुलाच्या लग्नाने झाली आहे . त्याने आपल्या मुलाच्या मांडवाच्या
कार्यक्रमात कोणत्याही प्रकारचा मान पान व आहेर न घेताच आपल्या मुलाचा लग्न
सोहळा पार पाडला . यावेळी जिल्हा परिषद सदस्या सौ . सुनीता भांगरे , माजी
सरपंच दिलीप भांगरे , सुरेश गभाले , विजय भांगरे उपस्थित होते .
अकोले तालुक्यातील आदिवासी
मित्र मंडळ व तालुक्यातील पश्चिम विभागातील वारकरी समाज मंडळीनी सामुदायिक
विवाह सोहळा घडवुन आणण्यासाठी प्रचार व प्रसार मोहीत राबवणे चालु केले
असुन या कार्यास त्यांना मोठ्या प्रमाणात यश मिळत आहे . वारकरी संप्रदायाचे
जेष्ठ कंपनी ही प्रत्येक गावामध्ये जाऊन विवाहाला मान पान व आहेर न
करण्याची विंनती करत आहेत . सामुदायिक विवाह सोहळ्यात लग्न केल्यास वधु व
वर पक्षाच्या पालकांचा होणारा खर्च हा कमी होण्यास मदतच होणार आहे .
चिंचोंडी येथील सोमा रामा मधे यांच्या लग्न कार्याचा विवाह सोहळा हा
माहीती पडताच सामुदायिक विवाह संस्थेच्या कार्यकर्त्यांनी त्यांना हा विवाह
कोणत्यांही मानापानाने पार पाडु नये अशी विंनती केली . त्याने
कार्यकर्यांच्या विनंतीस मान देऊन आपल्या दारातील मांडवात कोणताही मान पान न
करता प्रत्येकाला श्रीफळ व गुलाब पुष्प देऊन गौरव केला . याकामी सोमा रामा
मधे यांचे मन वळविण्यासाठी जिल्हा परिषद सदस्य सौ सुनिताताई भांगरे व माजी
जिल्हा परिषद अध्यक्ष अशोकराव भांगरे यांनी मोलाची भुमिका बजावली . पहिला
विवाह सोहळा हा पांजरे या गावी गरुवारी दिं १३/४/२०१७ रोजी पार पडणार
असल्याची घोषणा मंडळाच्या वतीने करण्यात आली आहे . त्यासाठी मंडळाकडे
नोंदणी करण्याची विनंती करण्यात आली आहे . या लग्न सोहळ्यात विवाह करण्यात
आलेल्या जोडप्याला शासनाकड मिळणारी रक्कम ही वधु व वरांच्या खात्यात जमा
होणार आहे . याशिवाय पुरोहीतांनाही लग्न तारखा देताना मंडळाशी चर्चा करुणच
देण्याची विंनती मंडळाकडुन करण्यात आली आहे , याशिवाय ज्या वधु वरांच्या
पालकांनी लग्नाची पुर्ववत तयारी अगोदरच केलेली आहे त्यांचे माना पानाचे
कपडे सदर व्यापार्यास परत करण्याची जबाबदारी मंडळाने घेतली आहे .
या सोहळ्याला योग्य स्वरुप देण्यासाठी झालेल्या बैठकिसाठी अशोकराव
भांगरे , दिलीपराव भांगरे , विठ्ठल बापु खाडे , आंनदराव खाडे , हिरामण
सोनवणे , पांडुरंग ईदे , बाबुराव अस्वले , तुकाराम भोरु गभाले , हभप देवराम
महाराज ईदे , आंनदराव मधे , मंगळा पटेकर, राजेंद्र मधे , कुडंलिक खाडे ,
पुनाजी सगभोर , देवराम भांगरे , सुरेश गभाले , सुरेश घाटकर , मधु भांगरे ,
लक्ष्मण उघडे , युवराज उघडे , यशंवंत बांडे , चंदर बांडे , शंकर झडे , शंकर
घारे ,सोमा नावजी मधे , लक्ष्मण भांगरे , सारोक्ते गुरुजी , दशरथ झडे ,
मुरलीधर मधे व शेंडी तसेच परिसरातील ग्रामस्थ मोठ्या संख्येने उपस्थित
होते .सोबत फोटो rju २प ३,४
No comments:
Post a Comment